अपांगताले छेक्दैन उद्यमी बन्न
annapurnapost.com · Sat Jan 08 06:41:00 GMT 2022
उदयपुर : उदयपुरको त्रियुगा नगरपालिका—१० बोक्सेकी २९ वर्षीया कल्पना नेपालीले बाँसको मुढा बनाउन थालेको दुई वर्ष भयो। सवारी दुर्घटनामा दुवै खुट्टा गुमाएपछि नेपालीले घरेलु तथा साना उद्योग कार्यालय उदयपुरबाट मुढा बनाउने सीप सिकेर यो व्यवसाय थालेकी हुन्।
मुढा बनाउँदा मनग्ये आम्दानी हुन थालेपछि उनी व्यावसायिक रूपमा अगाडि बढाउने सोचमा छिन्। उनले बनाएको मुढा गाईघाट बजारमा दुईदेखि तीन हजारसम्म बिक्री हुने गरेको छ। मासिक ३० हजारसम्म कमाइ हुने गरेको उनले सुनाइन्। उनको त्यहीँ आम्दानीबाट घर खर्च चलेको छ। कल्पनाले जस्तै त्रियुगा नगरपालिका—११ गाईघाटकी शान्ता परियार चार वर्षदेखि ढाकाको टोपी उत्पादन गर्छिन्। सात वर्षअघि प्यारालाइसिसले दुवै खुट्टाले काम नगरेपछि उनले यो पेसामा हात हालेकी हुन्। उनी भन्छिन्, ‘प्यारालाइसिस भए पनि हिम्मत हारिनँ, विस्तारै ढाकाको टोपी बनाउने काम सुरु गरेँ र सफल भएँ।’
स्रोतमा पूरा पढ्नुहोस् (annapurnapost.com)