पढ्नको लागि जापान गएका बर्दियाका निरज चाैधरीलाई मस्तिष्क घात, उपचारमा आर्थिक अभाव

बर्दिया – अध्ययनको सिलसिलामा जापान गएका बर्दिया ठाकुरबाबा नगरपालिका वडा नम्बर २ पेरहनी गाउँका २१ वर्षीय निरज चाैधरीलाई मस्तिष्क घात भएकाे छ । गएकाे कात्तिक १ गते जापान जानु भएका चाैधरी १८ औँ दिनमा अध्ययनरत कलेज जापानको होस्टेलमा सुतिरहेको अवस्थामा मस्तिष्क रक्तस्राव भै अचेत अवस्थामा फेला पर्नुभएको हाे ।

अहिले उहाँको जापानमै उपचार भइरहेको छ । उहाँ अध्ययनरत कलेजमा अध्यापन गराउने शिक्षक नारायणप्रसाद बास्तोलाले अस्पतालमा भर्ना गराइ आईसीयूमा उपचार गराइरहनु भएको पारिवारिक स्रोतले जनाएको छ । हाल उहाँ बेहोस अवस्थाबाट होसमा आएको र उपचारको क्रममा सिकलसेल रोगसमेत देखिएको छ । यी सबै रोगको उपचार सम्भव रहेको तर खर्च धेरै लाग्ने अस्पतालले जनाएको छ ।