उपराष्ट्रपति निर्वाचन : नमुना मतपत्र सार्वजनिक

काठमाडौं । निर्वाचन आयोगले उपराष्ट्रपति निर्वाचनका लागि नमुना मतपत्र सार्वजनिक गरेको छ । आयोगले उम्मेदवारको फोटोसहितको नमुना मतपत्र बुधबार सार्वजनिक गरेको हो । यसअघि गत फाल्गुन २५ गते भएको राष्ट्रपतिको निर्वाचनमा पनि उम्मेदवारको फोटोसहितको मतपत्र प्रयोग गरिएको हो ।

उपराष्ट्रपतिको लागि शुक्रबार बिहान १० बजेदेखि ३ बजेसम्म मतदान हुनेछ । संघीय सांसद (प्रतिनिधिसभा सदस्य र राष्ट्रियसभा सदस्य) का लागि र प्रदेशसभा सदस्यहरूका लागि छुट्टाछुट्टै मतपत्र बनाइएको छ ।