दुबई विमानस्थलमा ड्रोन आक्रमण : ७ घण्टापछि उडान सुचारु

विश्वकै व्यस्त पर्यटकीय तथा व्यापारिक हब दुबई अन्तर्राष्ट्रिय विमानस्थल (डीएक्सबी) मा ड्रोन आक्रमण भएपछि अवरुद्ध बनेको उडान सेवा सुरु भएको छ। विमानस्थल नजिकैको इन्धन ट्याङ्कीलाई लक्षित गरी सोमबार बिहान ड्रोन प्रहार भएपछि सुरक्षाका कारण करिब ७ घण्टा उडान ठप्प पारिएको थियो।

इन्धन डिपोमा भएको उक्त आक्रमणपछि भिषण आगलागी भएको थियो। दुबई सिभिल डिफेन्सको टोलीले झन्डै दुई घण्टाको प्रयासपछि आगो नियन्त्रणमा लिएको थियो।