कारको ठक्करबाट दुई पैदलयात्रीको मृत्यु, फरार चालक आफैँ सम्पर्कमा आए

पोखरा । कास्कीमा सवारी दुर्घटनामा परी दुईजनाको मृत्यु भएको छ । पोखरास्थित बागलुङ बसपार्कबाट जिरो किमितर्फ जाँदै गरेको बा १३ च ३७२१ नम्बरको कारको ठक्करबाट दुईजना पैदलयात्रीको ज्यान गएको हो ।

ज्यान गुमाउनेमा बाग्लुङको ढोरपाटन–६ का २० वर्षीय ढालेन्द्र छन्त्याल र अहिलेसम्म नाम थर वतन नखुलेको अन्दाजी ३५ वर्षीय एकजना पुरुष रहेका छन् । छन्त्यालको उपचारका क्रममा पश्चिम क्षेत्रीय अस्पताल गण्डकीमा निधन भएको हो ।