राष्ट्रिय स्वतन्त्र दलको राजनीतिक यात्रा

प्रारम्भः

नेपाली मतदाताले लामो समयदेखि वैकल्पिक राजनीतिक शक्तिको प्रतीक्षा गरिरहेका थिए । डा. बाबुरामको नयाँ शक्तिदेखि रविन्द्र मिश्रको विवेकशील दलले नेपाली मतदातासामु आफ्ना आफ्ना दललाई वैकल्पिक शक्तिका रूपमा प्रस्तुत गर्दा मतदाताले विश्वास गर्न सकेनन् । पुराना राजनीतिक दल कुनै सुधारको गुन्जायस नदेखी निराश बनेका मतदाताले यसपटकको निर्वाचनमा युवालाई विशेषगरी रवि लामिछानेले नेतृत्व गरेको राष्ट्रिय स्वतन्त्र दललाई परीक्षण गर्ने निर्णय लिएका छन् । नेपाली जनताले सूक्ष्म तबरले स्वतन्त्र दलको आगामी राजनीतिक यात्रालाई नियालिरहेका छन् । धेरै प्रकारका चुनौतीको सामना यस दलले गर्नुपर्ने अवस्था छ । अल्पअवधिमा राजनीतिमा सहभागी हुने निर्णय लिएको यस दल’bout केही कमीकमजोरीहरू देखिएका र भविष्यमा दीर्घकालीन राजनीति अवलम्बन गर्नुपर्दा समग्र दल र यसका पात्रको परिचालन प्रभावकारी बनाउने सन्दर्भमा केही सुझाव दिने प्रयास यस आलेखमा गरिएको छ । किनकि, जनताले विश्वास गरेका छन् । परिवर्तनको अनुभूति यसै दलबाट गर्न खोजेका छन् । सर्वत्र रविजी र स्वतन्त्र दलका साथै नवनिर्वाचित युवा’bout सधनरूपमा चर्चा राजनीतिक वृत्तमा भइरहेको छ ।