डिजिटल सुरक्षा गर्न नेपालमा कानुनको आवश्यकता छ : समिक्षा बास्कोटा

राष्ट्रिय स्वतन्त्र पार्टी (रास्वपा) की केन्द्रीय सदस्य समिक्षा बास्कोटाले नेपालमा डिजिटल सुरक्षा, डेटा संरक्षण र कृत्रिम बुद्धिमत्ता (एआई) सम्बन्धी स्पष्ट कानुनी व्यवस्था आवश्यक रहेको बताएकी छन्।

शुक्रबार रास्वपाले सांसदका गतिविधि, भेटघाट तथा निर्वाचन क्षेत्रका नागरिकका गुनासा व्यवस्थापनका लागि विकास गरेको ‘पल्स आरएसपी’ डिजिटल प्लेटफर्मको कार्यक्रमपछि सञ्चारकर्मीसँग कुरा गर्दै उनले डिजिटल युगअनुसार नीति तथा कानुन निर्माणमा नेपाल अझै पछाडि रहेको बताइन्।