एक्कासी माइतीघर पुगे सुधन गुरुङ, धर्नाकारीको पीडा सुनेपछि फिल्डबाटै आइजीपीलाई दिए निर्देशन

काठमाडौं । गृहमन्त्री सुधन गुरुङ शुक्रबार एक्कासी माइतीघर मण्डला पुगेर धर्नामा बसेका नागरिकहरूको गुनासो सुनेका छन्। पूर्वसूचना बिना नै धर्नास्थल पुगेका गुरुङले आन्दोलनरत व्यक्तिहरूसँग प्रत्यक्ष संवाद गर्दै उनीहरूले भोगिरहेका समस्या र मागबारे जानकारी लिएका हुन्।

धर्नाकारीहरूले आफूहरूको माग सम्बोधन नभएको, सम्बन्धित निकायले बेवास्ता गरेको तथा न्याय पाउन कठिनाइ भएको गुनासो गरेका थिए। उनीहरूको कुरा ध्यानपूर्वक सुनेपछि गृहमन्त्री गुरुङले घटनाबारे तत्काल आवश्यक कदम चाल्न निर्देशन दिएका छन्।