पोखराबाट इश्वरको छायाँकन सकियो

काठमाडौं । नेपाली चलचित्र इश्वरको छायाँकन सम्पन्न भएको छ । यो चलचित्रको छायाँकन सुरु भएको २७ दिनमा शनिबार छायाँकन सकिएको हो । राजु गिरीको निर्देशन रहेको यो चलचित्रमा ध्रुब थापा, अनु शाह, पृथ्वीराज प्रसाईं, कृष्टि गुरुङ, सुनिल थापा, सबिन बास्तोला, माओत्से गुरुङ, रबिन्द्र झा, बुद्धि लामा, शिशिर वाङ्देल र गीता अधिकारीको अभिनय रहेको छ ।

फिल्मको सम्पूर्ण छायांकन पोखरा र हेम्जाकोटमा गरिएको छ । यसको छायाँकन हेम्जाकोटाबाट सम्पन्न भएको निर्माण पक्षले जनाएको छ । फिल्मको पटकथा एवम् संवाद भोजराज देवकोटाले तयार पारेका हुन् ।