ट्रान्सफ्याट धेरै भएको खाना बहिष्कार गर्न विज्ञहरूको सुझाव

काठमाडौं । ट्रान्सफ्याट धेरै भएको खानाबाट युवा अवस्थामा नै खराब कोलेस्ट्रोेल बढ्ने, मोटोपना, उच्च रक्तचाप, मधुमेह आदि समस्या भई नसर्ने रोगहरूजस्तै हृदयघात, मस्तिष्कघात र क्यान्सर हुनसक्ने भन्दै विज्ञहरूले यस्ता खानेकुराहरू बहिष्कार गर्न सुझाव दिएका छन् ।

नेपाल हृदयरोग निवारण प्रतिष्ठानले शुक्रबार आयोजना गरेको ‘नेपालमा खाद्य पदार्थमा ट्रान्सफ्याटको मात्रा सीमित गर्ने कानुनी प्रावधानको खाँचो’ विषयक अन्तरक्रिया कार्यक्रममा विज्ञहरूले यस्तो सुझाव दिएका हुन् ।