दैलेख गाडी दुर्घटना : कर्णाली सरकारले माग्यो गृहसँग सहयोग

सुर्खेत। कर्णाली प्रदेश सरकारले कर्णाली नदीमा खसेको फोर्स गाडीको खोजी गर्न गृह मन्त्रालयसँग अनुरोध गरेको छ। प्रदेश सरकारले गृहसँग थप सहयोग र समन्वय गर्न अनुरोध गरेको हो। मुख्यमन्त्री तथा मन्त्रिपरिषद्को कार्यालयले यसका लागि पत्र लेखेको छ।

बिहिबार सुर्खेतबाट कालीकोटतर्फ जाँदै गरेको क.प्र. ०२–००१ ख १०५५ नम्बरको फोर्स दैलेखको चामुण्डाबिन्द्रासैनी नगरपालिका–७ स्थित कर्णाली राजमार्गको साङ्गेतडा क्षेत्रमा कर्णाली नदीमा खसेको थियो।