च्याटजीपीटीले आत्महत्या गर्न प्रोत्साहन गरेको आरोपमा ओपनएआई र अल्टम्यान विरुद्ध मुद्दा दायर

क्यानडाकी क्रिस्टी केरियरले सान फ्रान्सिस्को राज्यको अदालतमा दायर गरेको मुद्दाअनुसार उनकी छोरी एलिसले आफ्नो मृत्यु हुनुअघि दर्जनभन्दा बढी पटक च्याटजीपीटीसँग आफ्नो आत्महत्या गर्ने सोचबारे कुरा गरेकी थिइन् । तर, ओपनएआईका सुरक्षा प्रणालीहरूले ती संवादलाई मानव समीक्षाका लागि संकेत नगरेको वा संवाद बन्द नगरेको आरोप मुद्दामा लगाइएको छ ।

बरु, च्याटबटले उल्टै एलिसका जीवनसाथी र संकटमा सहायता गर्ने हटलाइनहरूको आलोचना गरेको, उनका आत्महत्यासम्बन्धी विचारलाई सही ठहर गरेको तथा निरन्तर आफूसँग कुरा गरिरहन प्रोत्साहित गरेको मुद्दामा दाबी गरिएको छ । यही कारणले गर्दा २४ वर्षीया एलिसले गत वर्ष आत्महत्या गरेको आरोप मुद्दामा लगाइएको छ ।