फुटबलमा प्रविधिः बलभित्र रहेको सेन्सरले पोर्चुगललाई यसरी बचायो

काठमाडौं । विश्वकप फुटबलमा क्रोएसियालाई हराउँदै पोर्चुगल अन्तिम १६ मा प्रवेश गरेको छ । तर पोर्चुगलको जीतमा क्रिस्टियानो रोनाल्डो र गोन्जालो रामोसको गोलसँगै फुटबल प्रविधिको योगदन पनि महत्त्वपूर्ण बन्यो । एक क्षणका लागि क्रोएसियाले असम्भवलाई सम्भव तुल्याए जस्तो देखिएको थियो । विश्वकपको राउन्ड अफ ३२ (अन्तिम ३२) को खेलमा क्रेएसियाका योस्को भार्डिओलले इन्जुरी समयमा बराबरी गोल गर्दै पोर्चुगल विरुद्धको खेललाई जीवितै राखेका थिए ।

तर, भिडियो असिस्टेन्ट रेफ्री (भीएआर) को समीक्षापछि उक्त गोललाई रद्द गरियो, जसका कारण पोर्चुगल २-१ ले विजयी भयो र क्रोएसियाको विश्वकप यात्रा निराशाजनक रूपमा समाप्त हुन पुग्यो । तर यो निर्णयमा सबैभन्दा उल्लेखनीय पक्ष भीएआरले गोल रद्द गर्न लिएको आधार थियो । खेलमा प्रयोग भएको आधिकारिक बलभित्र जडान गरिएको सूक्ष्म माइक्रोचिपले अफसाइड भएको पुष्टि गरेपछि भीएआरले गोललाई अमान्य घोषित गर्यो ।