बैंकर पिताम्बर खड्का मृत फेला

काठमाडौं । झापाको दमक नगरपालिका वडा नम्बर–८ स्थित लक्ष्मीमार्ग घर भएका बैंकर पिताम्बर खड्का मृत भेटिएका छन् । सोमबार साँझ ४२ वर्षीय खड्का आफ्नो घरको भूइँतलामा झुन्डिएको अवस्थामा मृत भेटिएको झापाका एसपी वसुन्धरा खड्काले रातोपाटीलाई बताइन् ।

मृतक खड्का ग्लोबल आइएमई बैंकको विराटनगर शाखामा शाखा प्रबन्धकको रूपमा कार्यरत थिए । उनले सामाजिक सञ्जाल फेसबुकमा चार जनाको फोटो पोष्ट गरेर उनीहरूकै कारण ‘आत्मघाती’ कदम चालेको उल्लेख गरेका छन् । मृतकले दिपचन्द्र रेग्मी, अनामिका कुँवर सिंह, सुरेन्द्र रेग्मी र सुमन पोखरेलको सामूहिक फोटो सार्वजनिक गरेका हुन् ।