सांसद थेबेको प्रश्न : पाथीभरा केबलकारबारे सरकारको आधिकारिक धारणा के हो?

नेकपा (एमाले)का सांसद क्षितिज थेबेले पाथीभर केबलकारबारे सरकारको धारणा माग गरेका छन्। प्रतिनिधि सभाको आजको बैठकमा बोल्दै उनले यस्तो माग गरेका हुन्। सरकारले मौखिक निर्देशनमा रोकिएको भन्ने सूचना बाहिरिएको बताउँदै उनले सरकारको आधिकारिक धारणा के हो? र यो आयोजना बन्ने हो कि रोकिने हो? भन्दै प्रश्न गरे।

‘सरकारले मौखिक निर्देशनमा रोकिएको भन्ने सूचना बाहिरिएको छ। तर प्रश्न यो हो कि, सरकारको आधिकारिक धारणा के हो? यो आयोजना बन्ने हो कि रोकिने हो? आज ताप्लेजुङका जनता गहिरो अन्योलमा छन्,' उनले भने।