नेपाल समाचारपत्र निगरानी- जगन्नाथ गाउँपालिकाको बेरुजु १७ करोड

बाजुरा । कार्यसम्पादन मूल्यांकनमा सुदूरपश्चिम प्रदेशको प्रदेशस्तरीय लिज्जा पुरस्कारबाट जिल्ला प्रथम भएको जगनाथ गाउँपालिका महालेखा परीक्षकको लेखाप्रतिवेदनमा भने श्रेस्ता कागतपत्र नमिलाउँदा १७ करोड रुपियाँ बढी बेरुजु देखिएको छ ।

महालेखा परीक्षकको प्रतिवेदनले लेखा परीक्षणबाट श्रोत र साधनको प्राप्तिको प्रक्षेपण यथार्थपरक नभएको जनाएको छ । महालेखाको प्रतिवेदनले बेरुजु असुली लक्ष्यअनुसार नभएको, कर्मचारी दरबन्दीअनुसार स्थायीपदपूर्ति नभएको, विकास निर्माण र सेवा प्रक्रियामा प्रभावकारिता नभएको, अनुदानप्राप्त योजनाको अनुगमन नभएको, वितरणमुखी कार्यक्रम सञ्चालन गरेको, आन्तरिक नियन्त्रण प्रणाली कमजोर देखिएको लगायतका दर्जनौं कमजोरी औंल्याएको छ ।