म्याक्सवेलको आक्रमक ब्याटिङको बावजुत बेङ्ग्लोरलाई हराउँदै चेन्नइ तेस्रो स्थानमा

इण्डियन प्रिमियर लिग (आईपीएल) अन्तर्गत सोमवार राति सम्पन्न खेलमा रोयल च्यालेन्जर्स बेङ्ग्लोरलाई हराउँदै चेन्नइ सुपरकिंग्स तेस्रो स्थानमा उक्लिएको छ। बेङ्ग्लुरुस्थित चिन्नस्वामी स्टेडियममा सम्पन्न खेलमा घरेलु टोलीले चेन्नइसँग ८ रनको हार ब्यहोरेको हो।

टस हारेर ब्याटिङमा उत्रिएको चेन्नइले निर्धारित २० ओभरमा ६ विकेट गुमाउँदै २२६ रनको विशाल लक्ष्य खडा गरेको थियो। जसका लागि ओपनर डेभोन कोन्वेले ४५ बलमा सर्वाधिक ८३ रन बनाउँदा शिवम दुबेले ५२, अजिन्क्य रहाणेले ३७ तथा अम्बाती रायडूले १४ रन बनाए। मोइन अली १९ रनमा अविजित रहे। बलिङतर्फ बेङ्ग्लोरका मोहम्मद सिराज, वायन पार्नेल, विजयकुमार, ग्लेन म्याक्सवेल, वानिन्दु हसरंगा र हर्षल पटेलले समान १ विकेट लिए।