आफ्नै भूमिमा पहिलोपटक खेल्दै क्यानडा

फिफा विश्वकप २०२६ को सहआयोजक क्यानडा घरेलु मैदानमा शुक्रबार फुटबल इतिहासको एउटा विशेष क्षणको साक्षी बन्दै छ।

बोस्निया एन्ड हर्जेगोभिनाविरुद्ध क्यानडाले आफ्नै भूमिमा पहिलोपटक पुरुष विश्वकप खेल्दै छ। समूह ‘बी’ को उक्त खेल शुक्रबार राति टोरन्टो स्टेडियममा हुने तयारीमा छ। विश्वकपमा आयोजक राष्ट्रहरू प्राय सफल बनेको इतिहास छ। अघिल्ला २२ संस्करणमध्ये २० पल्ट आयोजक टोली समूहचरण पार गर्न सफल भएका छन्। दक्षिण अफ्रिका (सन् २०१०) र कतार–सन् २०२२) मात्र पहिलो चरणबाटै बाहिरिएका थिए। यसपल्ट कतार पनि क्यानडाकै समूह छ। जुन समूहको चौथो टोली बलियो स्विट्जरल्यान्ड हो। घरेलु मैदान, समर्थकको अपार साथ, राम्रो लय र सकारात्मक इतिहासका कारण क्यानडा इतिहास रच्ने आशा छ।