कर्तव्य ज्यान मुद्दाका फरार प्रतिवादी प्रहरी नियन्त्रणमा

कर्तव्य ज्यान मुद्दाका फरार प्रतिवादी ताप्लेजुङ मैवाखोला गाउँपालिका–१ बस्ने लाखबहादुर तामाङ पक्राउ परेका छन् । ३४ वर्षीय तामाङलाई मंगलबार प्रहरीले पक्राउ गरेको जनाएको छ ।

जिल्ला अदालत ताप्लेजुङको २०७६ जेठ २६ गतेको फैसलाले कर्तव्य ज्यान मुद्दामा २० वर्ष कैद सजाय ठहर भएपछि फरार रहेका उनलाई केन्द्रीय अनुसन्धान व्यूरो महाराजगञ्जबाट खटिएको प्रहरीले काठमाडौं कपन आकाशेधाराबाट पक्राउ गरेको हो ।