युवाशक्तिलाई पलायन हुनबाट रोक

अभाव, चरम निराशा र रोजगारीको अभावमा उच्च शिक्षा हासिल गर्ने नाममा नेपालका चलायमान युवा जनशक्ति विदेशिने क्रम तीव्ररुपमा अघि बढेको छ । नेपालमा नै बसेर उच्च शिक्षा हासिल गर्ने जनशक्ति दिन–प्रतिदिन घट्दो अवस्थामा रहेको पाइन्छ । राजधानीलगायत देशका मुख्य शहरमा निजी क्षेत्रबाट सञ्चालित विद्यालयमा विद्यार्थीको संख्या उल्लेख्य भए पनि उच्च शिक्षा हालि गर्ने विद्यार्थीको संख्यामा हरेक वर्ष गिरावट आउन थालेको नियामक निकायले बताउँदै आएका छन् ।

उच्च शिक्षा हासिल गर्नका लागि विदेश जाने विद्यार्थीले मात्रै विभिन्न देशका विश्वविद्यालयलाई ८९ अर्ब १८ करोडभन्दा बढी रकम पठाउने गरेको तथ्यले पनि नेपालको अवस्था भयावह रहेको संकेत गर्दछ । हरेक वर्ष हजारौंको संख्यामा युवा जनशक्ति पलायन हुने क्रमलाई रोक्ने राज्यसँग कुनै ठोस योजना छैन ।