चेल्सीलाई ३–० ले हराउँदै पीएसजी क्वाटरफाइनलमा प्रवेश

काठमाडौँ । च्याम्पियन्स लिग अन्तर्गत राउण्ड अफ १६ को दोस्रो लेगमा पेरिस सेन्ट–जर्मेन (पीएसजी) ले चेल्सीलाई ३–० गोल अन्तरले पराजित गरेको छ । यस सानदार जितसँगै पीएसजीले समग्रमा ८–२ को फराकिलो नतिजासहित प्रतियोगिताको अर्को चरणमा आफ्नो स्थान सुरक्षित गरेको छ ।

खेलको सुरुवातमै पीएसजीले घरेलु टोली चेल्सीविरुद्ध दबाब सिर्जना गरेको थियो । खेलको ६ औँ मिनेटमा ख्विचा क्वारात्स्केलियाले गोल गर्दै पीएसजीलाई सुरुवाती अग्रता दिलाए । त्यसको केही मिनेट लगतै, खेलको १४ औँ मिनेटमा ब्राड्ली बारकोलाले गोल गर्दै टोलीको अग्रता दोब्बर बनाए ।