कर्जा प्रवाहको उचित व्यवस्थापन र दीर्घकालीन वृद्धि गर्न मानव पुँजीमा लगानी बढाउन आवश्यकः गभर्नर पौडेल

काठमाडौं । नेपाल राष्ट्र बैंकका गभर्नर प्रा.डा. विश्वनाथ पौडेलले अर्थतन्त्रलाई चलायमान बनाउन कर्जा प्रवाहको उचित व्यवस्थापन र दीर्घकालीन वृद्धिका लागि मानव पुँजीमा लगानी बढाउनुपर्नेमा जोड दिएका छन् ।

मौद्रिक नीतिको तर्जुमाका लागि राष्ट्र बैंकले आयोजना गरेको सरोकारवालसँग राय सुझाव संकलन तथा अन्तरक्रिया कार्यक्रममा उनले पछिल्लो एक वर्षमा मौद्रिक नीति तुलनात्मक रूपमा स्थिर रहेको र ब्याजदर २.७५ प्रतिशतको वरिपरि रहँदा तरलताको ठूलो समस्या भोग्नु नपरेको बताए ।