विगत तीन वर्षदेखि कोमामा रहेकी थाई राजकुमारी बज्रकितियाभाको निधन

एजेन्सी । विगत तीन वर्षभन्दा बढी समयदेखि कोमामा रहेकी थाइल्याण्डकी राजकुमारी बज्रकितियाभाको ४७ वर्षको उमेरमा निधन भएको छ। थाइ राजप्रासाद (राजदरबार) ले शुक्रबार बिहान एक विज्ञप्ति जारी गर्दै राजकुमारीको बिहीबार साँझ स्थानीय समयअनुसार ७:४८ बजे बैंककस्थित चुलालोङकोर्न अस्पतालमा निधन भएको पुष्टि गरेको हो।

सन् २०२२ को डिसेम्बरमा आफ्ना कुकुरहरूलाई व्यायाम गराउने क्रममा उनी अचानक बेहोस भएर ढलेकी थिइन्। चिकित्सकहरूका अनुसार उनको मुटुमा 'माइकोप्लाज्मा' संक्रमणका कारण धड्कन असामान्य भएपछि उनी कोमामा पुगेकी थिइन्। उनको बचावटका लागि विशेषज्ञ चिकित्सकहरूको टोलीले सघन उपचार गरे पनि स्वास्थ्य अवस्था लगातार बिग्रँदै गएको दरबारले जनाएको छ।