एकता सम्भावना क्षीण भएको कांग्रेस संस्थापनइतर समूहको निष्कर्ष

काठमाडौं । नेपाली कांग्रेसको संस्थापन इतर समूहले अहिलेको अवस्थामा एकताको महाधिवेशनका सम्भावनाहरू क्षीण भएर गएको निष्कर्ष निकालेको छ ।

शुक्रबार पूर्णबहादुर खड्का निवास काठमाडौंमा बसेको संस्थापन इतर समूहका नेताहरुको बैठकले संस्थापन पक्ष निरन्तर एकतर्फी ढंगले अघि बढ्न खोजेकाले अहिलेको अवस्थामा एकताको महाधिवेशनका सम्भावनाहरू क्षीण भएर गएको कांग्रेस नेता मीन विश्वकर्माले बताए । यद्यपि कांग्रेस लोकतान्त्रिक पार्टी भएको हुनाले विमतिभित्र सहमति खोज्ने प्रयास भने जारी राख्ने बैठकको निष्कर्ष रहेको उनले बताए ।