दिउँसोबाट पश्चिमी वायुको आंशिक प्रभाव पर्ने, चार प्रदेशमा हल्का हिमपातको सम्भावना

हाल देशका पहाडी भू-भागमा आंशिक बदली रही बाँकी भू-भागको मौसम सामान्यतया सफा रहेको छ। तराई भू-भागका केही स्थानमा हल्का हुस्स/कुहिरो लागेको मौसम पूर्वानुमान महाशाखाले जनाएको छ ।

महाशाखाका अनुसार आज दिउँसो गण्डकी, लुम्बिनी, कर्णाली र सुदूरपश्चिम प्रदेशलगायत कोशी र बागमती पहाडी भू-भागमा आंशिक बदली रहनेछ । बाँकी भू-भागको मौसम भने सामान्यतया सफा रहनेछ।