अधुरा आयोजना अघि बढाउने नवौँ जिल्ला सभाको निर्णय

असार १९ गतेदेखि सुरु भएको जिल्ला समन्वय समिति जुम्लाको नवौँ जिल्ला सभाले आठौँ जिल्ला सभाबाट भएका निर्णयहरूको कार्यान्वयन अवस्थाको समीक्षा गर्दै कार्यान्वयन हुन बाँकी रहेका निर्णयहरू कार्यान्वयनमा लैजाने निर्णय गरेको छ।

सभाले जिल्ला समन्वय समिति जुम्लाको कार्यालय हाताभित्र रहेका पुराना भवनहरू जीर्ण भई मर्मतसम्भार गर्दा पनि सञ्चालनमा आउन नसक्ने अवस्थामा पुगेकाले ती भवन भत्काएर सो स्थानमा सघन शहरी तथा भवन निर्माण आयोजना जुम्लामार्फत बहुउद्देश्यीय भवन निर्माण प्रक्रिया अघि बढाउने निर्णय कार्यान्वयन गर्ने जनाएको छ। उक्त भवन निर्माणका लागि बोलपत्रसमेत प्रकाशित भइसकेको छ।