समर्थकका लागि ट्रम्प प्रशासनले खोल्यो १ अर्ब ७७ करोड डलरको कोष

वाशिङटन डीसी । राष्ट्रपति डोनाल्ड ट्रम्प नेतृत्वको अमेरिकी प्रशासनले आफ्ना समर्थकहरूलाई क्षतिपूर्ति उपलब्ध गराउन १ अर्ब ७७ करोड ६० लाख अमेरिकी डलर बराबरको विशेष कोष स्थापना गर्ने घोषणा गरेको छ । अमेरिकी न्याय मन्त्रालयले सोमबार सार्वजनिक गरेको यो निर्णयले अमेरिकी राजनीतिमा नयाँ बहस र विवाद जन्माएको छ ।

यो कोष अघिल्लो प्रशासनका पालामा आफूलाई राजनीतिक रूपमा निशाना बनाइएको दाबी गरेका व्यक्तिहरूलाई राहत दिन बनाइएको बताइएको छ । ट्रम्प प्रशासनले यसलाई “राजनीतिक दुरुपयोगविरुद्धको कोष” नाम दिएको छ ।