कावासोतीमा ८६ लाख लागतमा सिँचाइका लागि डिप ट्यूबवेल निर्माण

नवलपुर- नवलपरासी (बर्दघाट-सुस्तापूर्व) को कावासोतीमा सिँचाइका लागि डिप ट्यूबवेल निर्माण गरिएको छ। कावासोती-३ को पुरानो बजारमा निर्माण गरिएको डिप ट्यूबवेलका कारण स्थानीय एक सय ८१ घरधुरीका एक हजार जनसंख्या लाभान्वित हुने नगरपालिकाले जनाएको छ।

संघीय सरकारको सिँचाइ विशेष कार्यक्रम अन्तर्गत भैरहवास्थित लुम्बिनी भूमिगत जल सिँचाइ व्यवस्थापन कार्यालयले डिप ट्यूबवेल निर्माण गरिदिएको पुरानो कावासोती डिप ट्युबेल सिँचाइ जल उपभोक्ता समितिका अध्यक्ष राजकुमार श्रेष्ठले बताए।