देउवा समूहको गोल्फुटार बैठकको निष्कर्ष- पार्टी एकतामा नेतृत्व जिम्मेवार छैन

काठमाडौँ। नेपाली कांग्रेसका निवर्तमान सभापति शेरबहादुर देउवानिकट समूहको भेला सम्पन्न भएको छ। निवर्तमान उपसभापति पूर्णबहादुर खड्काको निवास गोल्फुटारमा भएको भेलाले पार्टी एकताको निम्ति संस्थापन पक्ष जिम्मेवार नरहेको निष्कर्ष निकालेको छ।

बैठकले अनेक बहानामा संस्थापन पक्ष पार्टी एकताको लागि जिम्मेवार नबनेको निष्कर्ष निकालेको नेता विमलेन्द्र निधिले बताए। “हाम्रो बैठक सम्पन्न भयो, संस्थापन पक्षले गरिरहेको संवादबारे पनि कुराकानी भयो,” निधिले भने, “तर, पार्टी एकताका लागि नेतृत्व जिम्मेवार नभएको निष्कर्ष निस्कियो।”