कांग्रेसको महासमिति बैठकमा प्रतिनिधि कति हुन्छन् ?

१० असोज, काठमाडौं । नेपाली कांग्रेसले मंसिर १३ देखि १५ सम्म महासमिति बैठक बोलाएको छ । कांग्रेसभित्र नीति महाधिवेशनको चर्चा भए पनि विधानमा व्यवस्था नभएकाले महासमिति बैठक नै गर्न लागेको हो ।

विधानतः महाधिवेशन भएको वर्ष बाहेकका वर्षमा महासमिति बैठक बोलाउनुपर्ने हुन्छ । कांग्रेसमा महाधिवेशन पछिको शक्तिशाली निकाय कांग्रेसका लागि महासमिति बैठक हो । महासमिति बैठकले नेतृत्व चयन बाहेकका सबै कार्य गर्नसक्नेछ । महासमिति सदस्य महाधिवेशनकै बेलामा चयन हुने व्यवस्था छ । तथापि, २५ जिल्लामा महासमितिका प्रतिनिधि चयन हुन सकेका भने छैनन् ।