संसद्मा एमालेको दोधारे भूमिका : संसद् चल्न नदिने, मिनी संसद् नछाड्ने

काठमाडौँ : आइतबार बसेको संसद् बैठकमा पनि एमालेले अवरोध गर्‍यो। उसको अवरोध हुँदाहुँदै संसद् बैठकले प्रधानन्यायाधीश चोलेन्द्र शमशेर राणाविरुद्धको महाअभियोग प्रस्ताव अगाडि बढाउन 'महाअभियोग सिफारिस समिति' प्रस्ताव गर्‍यो। प्रस्ताव अनुसार आइतबार ११ सदस्यीय समिति गठन भयो। संसद् अवरोध गरे पनि संसद्को सबैभन्दा ठुलो दलको हैसियतमा एमालेका ४ सांसद समितिमा बसे।