के हो यसपालि विश्वलाई तर्साउँदै गरेको 'एल निनो'?

मध्य प्रशान्त महासागरको पानी र हावा सामान्यभन्दा तात्ने 'एल निनो' भनिने मौसमी अवस्था यो वर्ष झनै प्रखर हुने र त्यसले भारत, चीन लगायतका एसियाली देशमा विपद निम्त्याउन सक्ने चेतावनी संयुक्त राष्ट्र संघले दिइसकेको छ।

राष्ट्र संघीय विश्व मौसम संगठन डब्लुएमओका अनुसार अहिले बिस्तारै बढ्ने क्रममा एल निनो भनिने शक्तिशाली प्राकृतिक मौसमी अवस्था सेप्टेम्बरसम्म पूरै विकसित भइसक्ने सम्भावना ८० प्रतिशत छ। नभए पनि एल निनो नोभेम्बरसम्म पूरै विकसित भइसक्ने सम्भावना ९० प्रतिशत छ।