‘कर्णाली उत्सव’ किन गरिन्छ ?

सुर्खेत । कर्णालीको राजधानी वीरेन्द्रनगरमा ‘कुडा कर्णालीका’ अर्थात् कर्णाली उत्सवको चौथौँ संस्करण शुक्रबारदेखि सुरु हुने भएको छ । बुलबुले उद्यानमा आयोजना गर्ने गरिएको उत्सवको चौथो संस्करण शुक्रवार, शनिबार र आइतबार गरी तीन दिन चल्ने छ । उत्सवमा यो पटक विभिन्न १६ वटा विषयगत सत्रहरूका बहस हुनेछ । कर्णालीको समग्र समृद्धिका लागि सार्थक बहस नै ‘कर्णाली उत्सव’ हो ।

कर्णाली उत्सवका मूल आयोजक समितिका संयोजक कमलराज लम्सालले भाषा, साहित्य, संस्कृति र कलामा मात्र सीमित नरही समृद्ध कर्णालीको सार्थक सपनाहरू बारे बहस गरिने बताए ।