काठमाडौँसहित देशका विभिन्न क्षेत्रमा हावाहुरीसहित वर्षा

काठमाडौँ उपत्यकासहित देशका विभिन्न जिल्लामा शुक्रबार साँझ र गएराति हावाहुरीसहितको वर्षा भएको छ। हावाहुरीका कारण जनजीवन प्रभावितसमेत भएको छ।

राष्ट्रिय विपद जोखिम न्यूनीकरण तथा व्यवस्थापन प्राधिकरणका प्रवक्ता रामबहादुर केसीले नवलपरासी कञ्चनपुर, कैलाली, चितवन, उदयपुर, सङ्खुवासभा, बारा, कपिलवस्तुलगायत जिल्ला हावाहुरीबाट बढी प्रभावित भएको बताए।