राष्ट्रपति रनिङ शिल्डमा विवाद : पुरस्कार वितरण बहिष्कार गर्ने दुई विद्यालयलाई कारबाही गर्न मेयरको निर्देशन

कपिलवस्तु नगरपालिकामा आयोजित आठौँ राष्ट्रपति रनिङ शिल्ड प्रतियोगितामा विवाद उत्पन्न भएपछि पुरस्कार वितरण समारोह बहिष्कार गर्ने दुई विद्यालयमाथि अनुशासनात्मक कारबाही गर्न मेयर सुदीप पौडेलले निर्देशन दिएका छन्।

चैत १ गतेदेखि ४ गतेसम्म तौलिहवास्थित बुद्धपद माध्यमिक विद्यालयको खेल मैदानमा सम्पन्न प्रतियोगिताको पुरस्कार वितरण समारोहमा कनकमुनी मावि र बुद्धपद माविका खेलाडी अनुपस्थित भई बहिष्कार गरेपछि नगरप्रमुखले उक्त निर्देशन दिएका हुन्।