काठमाडौँका विभिन्न ६ रुटमा टेलिफोन तथा इन्टरनेटका तार १५ दिनभित्र भूमिगत गरिने

काठमाडौँ । सहरी क्षेत्रको सौन्दर्य बढाउन र सार्वजनिक सुरक्षामा सुधार ल्याउन नेपाल दूरसञ्चार प्राधिकरणले काठमाडौँका विभिन्न ६ वटा मुख्य रुटहरूमा टेलिफोन तथा इन्टरनेटका तार व्यवस्थापन र भूमिगत गर्ने कार्य अगाडि बढाएको छ । शुक्रबार एक सूचना जारी गर्दै प्राधिकरणले यस कार्यलाई १५ दिनभित्र चरणबद्ध रूपमा सम्पन्न गर्ने जानकारी दिएको हो ।

सडक छेउका पोलहरूमा गुजुल्टो परेका, चुँडिएका र लत्रिएका तारहरूले सहरी सौन्दर्यमा ह्रास ल्याएका छन् । साथै सार्वजनिक सुरक्षा र आवागमनमा समेत जोखिम उत्पन्न गराएको भन्दै प्राधिकरणले यो कदम चालेको हो ।