जनप्रतिनिधि र कर्मचारीको सुविधामै सकियो दुई करोड ८७ लाख

राजविराज ।

जनताको सेवा–सुविधा र समृद्धिको लागि काम गर्ने प्रतिवद्धता जनाएका सप्तरीको सुरुङ्गा नगरपालिकाका जनप्रतिनिधिले आफ्नै सेवा–सुविधामा दुई करोड ८७ लाखभन्दा बढी रुपियाँ खर्च गरेको पाइएको छ । नेपाल समाचारपत्रलाई प्राप्त विवरणअनुसार गत वर्ष जनप्रतिनिधिको सेवा–सुविधामा २ करोड ८७ लाख ५ हजार ७ सय ३४ रुपियाँ खर्च भएको छ । जसअनुसार सुविधा र भत्ता शीर्षकमा मात्रै झण्डै दुई करोड रुपियाँ सकिएको छ ।