पाल्पाका दुई दर्जन गाउँबस्ती अझै पनि आधारभूत सञ्चार सुविधाबाट वञ्चित

पाल्पा — पाल्पाका दुई दर्जन गाउँबस्ती अझैसम्म आधारभूत सञ्चार सुविधाबाट वञ्चित छन् । निस्दी गाउँपालिकाको मित्याल, गल्धा, झिरुवास, सहलकोट, ज्यामिरेका दर्जन बढी गाउँमा अझै पनि टेलिकमको सेवा पुगेको छैन ।

माथागढी गाउँपालिकाको गोठादी, हात्तीलुङ, रहवास र बहादुरपुरका केही गाउँबस्तीमा पनि सहज सञ्चार सुविधा छैन । तिनाउ गाउँपालिकाको वडा नम्बर ५ को केराबारी, २४ माइल लगायतका स्थान सञ्चार सम्पर्कविहीन छन् । रैनादेवी छहरा गाउँपालिकाको बल्ढेङ्गढी, सत्यवती र जुठापौवाका आधा दर्जन बढी बस्तीमा अहिले पनि सञ्चारसम्पर्क गर्न कठिनाइ छ ।