नेभिगेसन बारबाट किन ‘सब्स्क्रिप्सन’ ट्याब हटाउँदै छ युट्युब ?

काठमाडौँ । युट्युबले आफ्नो मोबाइल एपको तल्लो नेभिगेसन बारबाट ‘सब्स्क्रिप्सन’ ट्याब हटाउने भएको छ । प्रयोगकर्ताले उपयुक्त कन्टेन्ट सजिलै फेला पार्न सकून् भन्ने उद्देश्यले कम्पनीले यस्तो परिवर्तनको परीक्षण थालेको हो ।

हालै मात्र आफ्नो सपोर्ट पेजमा एक पोस्ट राख्दै युट्युबले नेभिगेसन बारमा परिवर्तन ल्याउने आधिकारिक जानकारी दिएको छ । कम्पनीले भनेको छ, “हामी युट्युब मोबाइल एपमा विभिन्न फिड नेभिगेट गर्ने नयाँ तरिकाको परीक्षण गरिरहेका छौँ जसको मुख्य उद्देश्य तपाईँलाई मनपर्ने कन्टेन्ट खोज्न अझ सहज बनाउनु हो ।”