न्युकासलमाथि बार्सिलोनाको गोल वर्षा, ७–२ गोल अन्तरको जित निकाल्दै क्वार्टरफाइनल प्रवेश

काठमाडौँ । च्याम्पियन्स लिगको राउण्ड अफ १६ को दोस्रो लेगमा स्पेनिस महारथी बार्सिलोनाले इंग्लिस क्लब न्युकासल युनाइटेडमाथि ७–२ को फराकिलो जित दर्ता गरेको छ । बुधबार राति बार्सिलोनाको घरेलु मैदानमा भएको खेलमा सानदार प्रदर्शन गर्दै बार्सिलोना समग्रमा ८–३ को नतिजासहित प्रतियोगिताको क्वार्टरफाइनलमा प्रवेश गरेको हो ।

पहिलो लेग १–१ को बराबरीमा सकिएको अवस्थामा दोस्रो लेगमा बार्सिलोनाले सुरुदेखि नै आक्रामक फुटबल खेलेको थियो । बार्सिलोनाका लागि राफिन्हा र रोबर्ट लेवान्डोस्कीले दुई–दुई गोल गरे । राफिन्हाले खेलको छैटौँ र ७२औँ मिनेटमा गोल गरे भने लेवान्डोस्कीले ५६औँ र ६१औँ मिनेटमा गोल थपेका थिए ।