१३ वर्षपछि रियल मड्रिडमा मरिन्होको पुनरागमन

म्याड्रिड । स्पेनिस फुटबल क्लब रियल मड्रिडले आफ्ना पूर्व प्रशिक्षक जोसे मरिन्होलाई पुनः मुख्य प्रशिक्षकमा नियुक्त गरेको पुष्टि गरेको छ। ६३ वर्षीय पोर्चुगिज प्रशिक्षक मरिन्होले क्लबसँग तीन वर्षको सम्झौता गरेका छन्।

उनी आगामी जुलाई १३ मा टोली प्रि-सिजन प्रशिक्षणका लागि फर्किएसँगै आफ्नो कार्यभार सम्हाल्ने छन्। रियलले मरिन्होलाई सान्टियागो बर्नाबेउ फर्काउन उनको हालैको क्लब बेन्फिकालाई १५ मिलियन युरो क्षतिपूर्ति बुझाएको छ। यो मरिन्होको रियल मड्रिडमा दोस्रो इनिङ्स हो, यसअघि १३ वर्ष अगाडि उनको पहिलो कार्यकाल सकिएको थियो।