एसियन कप: भारतीय टोलीमा फैलियो कोरोना संक्रमण, १३ जना खेलाडी जुटाउन नसक्दा ताइपेइसँगको खेल स्थगित

एएफसी वुमन्स एसियन कप अन्तर्गत आज हुने भनिएको भारत र चाइनिज ताइपेइ बिचको खेल स्थगित भएको छ। एसियन फुटबल कन्फिडरेसन एएफसीका अनुसार भारतीय टोलीका अधिकांश खेलाडीमा कोभिड १९ संक्रमण देखिएको र टोलीले खेलका लागि १३ जना खेलाडी पनि उपलब्ध गराउन असमर्थ भएकोले खेल रद्द गरिएको हो।

भारतमा जारी प्रतियोगिता अन्तर्गतका बाँकी खेलहरु भने पूर्वनिर्धारित तालिका अनुरुप नै हुने बताइएको छ।