रास्वपा सांसद खत्रीको प्रश्न : निलो रङ रास्वपाको दाइजो हो र ?

सरकारले महिलाहरूको सुरक्षित र निःशुल्क यात्रा सुनिश्चित गर्ने उद्देश्यले साझा यातायातका ८ वटा बसलाई निलो रङमा परिवर्तन गरी 'ब्लु बस' सञ्चालन गर्ने तयारी गरेको छ। सरकारी योजना सार्वजनिक भएसँगै यसले मिश्रित प्रतिक्रिया पाएको छ।

केहीले यसलाई 'स्टन्ट' भनेका छन् भने केहीले निलो रङलाई राष्ट्रिय स्वतन्त्र पार्टी (रास्वपा) को रङसँग जोड्दै दलगत प्रचारको संज्ञा दिएका छन्। यस विषयमा भइरहेको आलोचनाप्रति रास्वपा सांसद राजिव खत्रीले आपत्ति जनाएका छन्।