डीआईजीको स्पष्टीकरणमा एसपीको 'स्टन्ट', ३० लाखको बीउलाई ९० लाख दाबी

गौर। जिल्ला प्रहरी कार्यालय रौतहटले जेठ २८ गते जारी गरेको विज्ञप्तिमा जेठ २७ गते बेलुका बौधीमाई नगरपालिका अन्तर्गत भारत–नेपाल सीमाक्षेत्रमा त्रिपालले छोपेर राखिएको फर्सीको बीउ गोप्य सूचनाका आधारमा बरामद गरिएको जनाएको छ।

प्रहरीका अनुसार करिब ९० लाख १६ हजार रुपैयाँ बराबरको १२ हजार ८८० किलोग्राम फर्सीको बीउ बरामद गर्ने क्रममा स्थानीय समूहले ढुंगामुढा गरेपछि स्थिति नियन्त्रणमा लिन ६ राउन्ड गोली चलाउनुपरेको थियो। उक्त घटनामा प्रहरीतर्फ तीन जना र स्थानीयतर्फ तीन जना घाइते भएको विज्ञप्तिमा उल्लेख छ।