गलातासारेमाथि लिभरपुलको सानदार जित, समग्रमा ४–१ को नतिजासहित क्वार्टरफाइनलमा

काठमाडौँ । च्याम्पियन्स लिगको राउण्ड अफ १६ को दोस्रो लेगमा इङ्लिस क्लब लिभरपुलले टर्किस क्लब गलातासारेमाथि ४–० को सहज जित दर्ता गरेको छ। यो सानदार जितसँगै लिभरपुल समग्रमा ४–१ को नतिजासहित प्रतियोगिताको क्वार्टरफाइनलमा प्रवेश गरेको छ ।

घरेलु मैदानमा भएको खेलमा लिभरपुलले खेलको सुरुदेखि नै बलियो पकड जमाएको थियो । खेलको २५औँ मिनेटमा डोमिनिक सोबोस्लाईले गोल गर्दै टोलीलाई सुरुवाती अग्रता दिलाएका थिए । पहिलो हाफमा १–० को अग्रता लिएको लिभरपुलले दोस्रो हाफमा भने ११ मिनेटको अन्तरालमा थप तीन गोल गर्दै गलातासारेलाई स्तब्ध बनायो ।