टोटनहमसँगको रोमाञ्चक भिडन्तमा पराजित हुँदा पनि एथ्लेटिको मड्रिड क्वार्टरफाइनलमा प्रवेश

काठमाडौं । च्याम्पियन्स लिगको राउण्ड अफ १६ को दोस्रो लेगमा इंग्लिस क्लब टोटनहमले स्पेनिस टोली एथ्लेटिको मड्रिडमाथि ३–२ को रोमाञ्चक जित निकालेको छ । यद्यपि, दुवै लेगको नतिजाका आधारमा समग्रमा ७–५ को अग्रता लिँदै एथ्लेटिको मड्रिड प्रतियोगिताको क्वार्टरफाइनलमा प्रवेश गर्न सफल भएको छ ।

पहिलो लेगमा व्यहोरेको ५–२ को हारको बदला लिन मैदान उत्रिएको टोटनहमले घरेलु मैदानमा उत्कृष्ट प्रदर्शन गर्‍यो । खेलको ३०औँ मिनेटमा रान्डल कोलो मुआनीले गोल गर्दै टोटनहमलाई सुरुवाती अग्रता दिलाएका थिए ।