रसुवा कांग्रेस सभापतिमा पेम्बाछिरिङ तामाङ दोहोरिए

रसुवा । नेपाली कांग्रेसको १४औँ महाधिवेशन अन्तर्गत रसुवामा भएको अधिवेशनमा सर्वसम्मत नेतृत्व चयन गरिएको छ । सोमबारदेखि सुरु भएको प्रदेश, प्रतिनिधिसभा र जिल्लाको अधिवेशनमा सर्वसम्मत नेतृत्व चयन गरिएको हो ।

नेपाली कांग्रेस रसुवाको सभापतिमा पेम्बाछिरिङ तामाङ पुन: दोहोरिएका छन् । उनी सर्वसम्मत जिल्ला सभापतिमा चयन भएका हुन् । त्यसैगरी उपसभापतिमा ओम प्रसाद आचार्य, फुर्वावाङ्दी तामाङ, सचिवमा उत्तम थापा, लक्ष्मण देवकोटा र सहसचिवमा पासाङ तितुङ र लक्षिन छिरिङ तितुङ सर्वसम्मत चयन भए ।