‘वृद्धभत्ता कार्यक्रम’ लाई चुनावी नारा र भोट बैंक बनाइयो : सांसद अधिकारी

काठमाडौँ । राष्ट्रिय स्वतन्त्र पार्टी (रास्वपा) सांसद लीमा अधिकारी आचार्यले ०५१ सालमा तत्कालीन सरकारले ल्याएको सामाजिक सुरक्षा भत्तासम्बन्धी लोकप्रिय लोककल्याणकारी कार्यक्रमलाई चुनावी नारा र ज्येष्ठ नागरिकलाई भोट बैंक बनाउने प्रवृत्तिका रूपमा विकास गरिएको भन्दै आपत्ति जनाएकी छन् ।

प्रतिनिधिसभा बैठकमा मङ्गलबार आर्थिक वर्ष २०८३/०८४ को विनियोजन विधेयकको सिद्धान्त र प्राथमिकतामाथिको छलफलमा भाग लिँदै अधिकारीले ज्येष्ठ नागरिकलाई न्याय गर्ने उद्देश्यले ल्याइएको कार्यक्रम वृद्ध वृद्धामाथि अन्यायको कारक भन्ने खतरा रहेको भन्दै आपत्ति जनाइन् ।