कृषिमन्त्री चौधरीको आश्वासन - उखु किसानले सबै भुक्तानी असार मसान्तभित्रै पाउँछन्

काठमाडौँ / कृषि, वन तथा पर्यावरणमन्त्री गीता चौधरीले उखु किसानले पाउनुपर्ने सम्पूर्ण भुक्तानी यही असार मसान्तसम्म भइसक्ने जानकारी दिएकी छिन् । उनले किसानलाई प्राथमिकता दिएको बताउँदै असार मसान्तसम्म सम्पूर्ण रकम भुक्तानी हुने बताएकी हुन् ।

उनले भनिन्, “चालु आर्थिक वर्षको असारभित्र उखु किसानको बाँकी रकम जसरी पनि भुक्तानी गरिनेछ । यस वर्ष प्रतिक्विन्टल रु ७० अनुदान उपलब्ध गराइनेछ । किसानले जुन वर्ष क्रसिङ गर्नुभएको हो, सोही वर्षमै भुक्तानी सुनिश्चित गरिन्छ। किसानको रकम भुक्तानी हाम्रो प्राथमिकता हो र यसका लागि हामीले सक्दो मिहिनेत गरेका छौँ ।”