कुमारी बैङ्कद्वारा गणतन्त्र नेपालको पहिलो रियल–टाइम ईआरपी–एकीकृत डिजिटल लेन्डिङ प्लेटफर्म सार्वजनिक

काठमाडौँ। कुमारी बैङ्क लिमिटेडले नेपालमा डिजिटल बैङ्किङलाई नयाँ उचाइमा पुर्‍याउने उद्देश्यले आईएमएस सफ्टवेयर प्रालिको सहकार्यमा गणतन्त्र नेपालको पहिलो रियल–टाइम ईआरपी–एकीकृत डिजिटल लेन्डिङ प्लेटफर्म सार्वजनिक गरेको छ।

यो प्लेटफर्ममार्फत बैङ्कले आफ्ना व्यवसायी ग्राहकहरूलाई आईएमएस को ईआरपी सफ्टवेयरबाटै ऋण उपलब्ध गराउने छ। यसले लामो कागजी प्रक्रिया र शाखा कार्यालय जानुपर्ने झन्झट हटाउने छ।